Job Description

Rydym yn chwilio am Dechnegydd brwdfrydig i gefnogi arddangosfeydd/dangosiadau cwricwlwm yn y coleg ac mewn lleoliadau allanol.


Graddfa 2, pwyntiau 14-16, 24,425 - 24,824 y flwyddyn, pro rata Yn cyfateb i 12,212 - 12,412 y flwyddyn.

Oriau gwaith:

18.5 awr yr wythnos (gan gynnwys gyda'r hwyr ac yn gynnar yn y bore ac ar benwythnosau yn achlysurol).

Contract:

Parhaol, rhan-amser.


Grwp Colegau NPTC (yng Ngholeg y Drenewydd yn y lle cyntaf).

Ynglyn a chi:

Yn ddelfrydol bydd gennych gymhwyster Lefel 2 mewn disgyblaeth berthnasol (NVQ neu gyfwerth) a phrofiad perthnasol. Rhaid i ymgeiswyr hefyd feddu ar gymhwyster lefel 2 mewn Mathemateg a Saesneg (TGAU neu gyfwerth) a bod yn hyddysg mewn TG hyd at lefel 2. Mae gwybodaeth am ofynion Iechyd a Diogelwch yn hanfodol.

Ynglyn a ni:

Grwp Colegau NPTC yw un o'r darparwyr Addysg Bellach mwyaf yng Nghymru, gan ddarparu bron i bob maes addysg a hyfforddiant galwedigaethol gan gynnwys rhaglen gyffrous ac amrywiol o gyrsiau amser llawn a rhan-amser ar draws lleoliadau o Dde i Ganolbarth Cymru.


Mae Grwp Colegau NPTC wedi bod yn addysgu cenedlaethau'r dyfodol ers dros 90 mlynedd, a chredwn fod cymwysterau a hyfforddiant yn allweddol i lawer o lwybrau gyrfa gwerth chweil. Gyda'n staff addysgu hynod gymwys a'u cyfoeth o wybodaeth am ddiwydiant wrth law, byddwn yn agor y drws i ddyfodol llwyddiannus a llawn boddhad. Mae myfyrwyr wrth wraidd popeth a wnawn, ac rydym am iddynt ein gadael wedi cael mwy nag addysg yn unig.

Pam y dylech chi weithio i ni?

Yn ogystal a chyflogau cystadleuol, mae ein cynlluniau pensiwn ymhlith y gorau sydd ar gael. Caiff y rhain eu gweinyddu drwy'r Cynllun Pensiwn Llywodraeth Leol neu'r Cynllun Pensiwn Athrawon ac maent yn darparu pensiynau sy'n cynyddu bob blwyddyn yn unol a chwyddiant. Rydym yn cyfrannu dros 20 i'ch pensiwn, am bob 100 rydych chi'n ei ennill.


Mae gennym ystod o opsiynau gweithio hyblyg posibl ar gael gan gynnwys absenoldeb sabothol a rhannu swydd, lle mae'n diwallu anghenion y Coleg. Mae buddion salwch yma yn hael, ac mae staff hefyd yn cael mynediad am ddim at iechyd galwedigaethol annibynnol, y Llinell Gymorth i Weithwyr, llinell gymorth rheoli bywyd a chymorth personol 24 awr. Mae'r Coleg hefyd yn cyflogi Cydlynydd Iechyd a Llesiant penodedig, sy'n darparu cefnogaeth ac yn trefnu digwyddiadau poblogaidd iawn ar draws y Grwp, yn ogystal a darparu mynediad i amrywiaeth o adnoddau llesiant rhad ac am ddim.


Mae maes parcio am ddim ym mhob un o'n prif golegau yn ogystal a lle i storio beiciau, ac os ydych wedi'ch lleoli yn y De gallwn hefyd gynnig gostyngiad o 10% ym Meithrinfa Ddydd Lilliput yng Nghastell-nedd.


Mae'r Coleg yn addysgwr ac felly rydym yn hyrwyddo ac yn annog Datblygiad Proffesiynol Parhaus yn weithredol i'n holl staff; efallai y byddwn hyd yn oed yn gallu cyfrannu at y ffioedd ar gyfer graddau uwch a chymwysterau eraill sy'n ddefnyddiol i'ch swydd.


Ar ben hyn i gyd, mae gweithio yn y Coleg yn rhoi'r fraint inni fod yn rhan o helpu ein dysgwyr a'n cymunedau i lwyddo a ffynnu.


Mae Grwp Colegau NPTC yn cynnig llawer mwy na chyflogau da yn unig!