Job Description

Mae Coleg Gwyr Abertawe yn ymrwymedig i gynnig profiad rhagorol i fyfyrwyr a chefnogi lles a datblygiad ein staff. Mae'r rol hanfodol hon yn gyfle unigryw i ymgysylltu ag ystod eang o rhanddeiliaid ar draws ein campysau, gan gymryd rhan ymarferol wrth ddarparu amgylchedd diogel, cynaliadwy, croesawgar a gwydn.


Bydd y Rheolwr IDA yn chwarae rhan allweddol wrth ymgorffori ein gwerthoedd craidd - cynaliadwyedd, gwydnwch, ac aliniad strategol - yn ein gweithgarwch o ddydd i ddydd. Bydd deiliad y swydd yn arwain ac yn hybu gweithgarwch sy'n sicrhau cydymffurfiaeth, yn hyrwyddo arferion gorau ac yn meithrin diwylliant o welliant parhaus mewn perthynas ag iechyd, diogelwch ac amgylchedd.


Dyma gyfle unigryw i unigolion sy'n angerddol am wneud gwahaniaeth. Bydd yr ymgeisydd llwyddiannus yn cyfrannu yn uniongyrchol at lwyddiant y Coleg drwy feithrin ymdeimlad cadarnhaol tuag at les a gallu - gan ysgogi staff a myfyrwyr i berfformio hyd eithaf eu gallu.


Bydd yr ymgeisydd llwyddiannus yn defnyddio dulliau positif a rhagweithiol yn ei waith ledled campysau'r Coleg, gan lywio dyfodol ein myfyrwyr a'r gymuned ehangach. Mae'r rol yn ddelfrydol ar gyfer unigolyn sy'n ffynnu mewn amgylchedd bywiog a chydweithredol ac sy'n ymrwymedig i wreiddio cynaliadwyedd a diogelwch yn ein gweithgarwch.

Y rol:

Amser-Llawn (37 awr yr wythnos) Parhaol 50,320 y flwyddyn Abertawe - Ledled Campysau'r Coleg

Buddion:

37 diwrnod o wyliau blynyddol ynghyd, a gwyliau banc, hefyd, mae'r Coleg ar gau am bythefnos dros gyfnod y Nadolig Cynllun Pensiwn Llywodraeth Leol a chyfraniad cyflogwr o 21% ar gyfartaledd (2023) 2 ddiwrnod lles i staff Disgownt ar gyfer aelodaeth Campfa Chwaraeon - 60 y flwyddyn Cliciwch y linc i ddarganfod rhagor o fuddion: https://www.gcs.ac.uk/cy/recruitment/benefits-and-wellbeing
Rydym yn croesawu ceisiadau gan unigolion, waeth beth fo'u hoedran, rhyw, ethnigrwydd, anabledd, cyfeiriadedd rhywiol, hunaniaeth rhywedd, cefndir economaidd-gymdeithasol, crefydd a/neu gred. Rydym yn croesawu'n arbennig ceisiadau gan grwpiau nad ydynt wedi'u cynrychioli'n ddigonol o fewn ein sefydliad.


Os hoffech ymgymryd a'r broses ymgeisio trwy gyfrwng y Gymraeg, ewch i'n gwefan Cymraeg. Rydym yn annog unigolion i gyflwyno ceisiadau Cymraeg gan ein bod yn cydnabod pwysigrwydd darparu gwasanaethau Cymraeg a'r angen i ehangu gweithlu dwyieithog.


Mae Coleg Gwyr Abertawe yn ymrwymedig i ddiogelu a hyrwyddo lles pobl ifanc ac rydym yn disgwyl i bob aelod o staff gydymffurfio a'r ymrwymiad hwn. Bydd gofyn i'r ymgeisydd llwyddiannus ymgymryd a gwiriad DBS manylach a chofrestru gyda Chyngor Gweithlu Addysg Cymru.



Rydym yn disgwyl nifer fawr o ymgeiswyr ar gyfer y swydd wag hon. Os derbynnir llawer o geisiadau, efallai y byddwn yn atal unigolion rhag cyflwyno cais cyn y dyddiad penodedig. Awgrymir felly ichi gyflwyno'ch cais yn gynnar.